7kawy Hadeer

   #وصية_رسول_الله ! هاشتاج باقي القصص 👇 #قصص_واقعيه_لهدير_ابراهيم 💌 🎀🎀🎀🎀 بلاحظ ان قليل في قصصك يا هدير لو اتكلمتي عن حياة ما بعد الخطوبة والجواز نفسه..  ف حبيت اشارك معاكوا بقصتي، خاصة ان ف بدايتها كنت بنت عادية.. حتى ابتلائاتي كلها كان سببها عصبيتي الزايده عن الحد والمُنَفِرَه زي ما اهلي كانوا بيقولولي..  بالتالي لا كنت قريبه من حد من اهلي ولا كان ليا اصحاب مقربين..  كنت وحيده تماما.. وعندي انعدام للثقه واحتياج زي اي بنت للاهتمام والأمان..  يمكن احساسي بالوحده اصلا كان نتيجته عصبيتي .. او لاني بنت حساسة جدا.. مبقدرش اعبر عن اللي جوايا.. ف مع اي مشكله حتى لو بسيطه صوتي بيبقى عالي وبعدها ع طول بعيط..  ف ع طول انا اللي غلطانه م وجهة نظرهم..  وصدقت دا وبقيت اكره نفسي وحياتي والهوا اللي بتنفسه..  تقوقعت ع نفسي وبقيت منعزله عن الناس.. وزاد ع كل دا اني اترفضت من عرسان كتير، ف ثقتي ف نفسي ضاعت تماما، لحد م اتقدملي شخص.. دخلت الرؤيه بعدم اهتمام ومستنيه عادي اني اترفض زي كل مره.. وكنت مقرره اني مش هعلق نفسي بأي أمل تاني.. ومع ذلك عملت اللي عليا...

 #الكريم_إذا_أعطى هاشتاج باقي القصص 👇 #قصص_واقعيه_لهدير_ابراهيم 💌 🎀🎀🎀 السلام عليكم جايه أحكيلكوا حكايتي مع الدعاء وابشركوا انه الحمد لله #استجاب ❤ انا تزوجت في عمر العشرين واتأخر حملي أربع سنوات.. مرت أول سنة كلها حزن وعياط وكشوفات وأشعة وتحاليل .. كلهاا بتاعتي وبتاعت زوجي كانت سليمة وده كان بيحيرني ويحزني أكتر.. كنت بقول لو إن في علة أو سبب نعرفه ونعالجه.. لكن سبحان من قال "يجعل من يشاء عقيما" حتى لو توفرت كل أسباب الإنجاب وربنا أراد إنه ميحصلش مش هيحصل 💔 تتخيلي ان في دكتور من اللي رحتلهم بعد أما استوفى كل الفحوصات قالنا كده بالحرف " خلاص متجوش تاني مفيش ف ايدي حاجة اقدمهالكم.. عليكم بالدعاء"  اللي هو خلاص الطب عجز قدام مشكلتكوا.. دكتور تاني كان يقول الدنيا تمام والرحم مرسوم رسم يعني مفيش أي حاجة تمنع لكن حالتي كان تشخيصها ما يُسمى ب "عُقم غير مُسَبّب"  تخيلي الطب والعلم وكل شئ بيقول انك قادره انتِ وزوجك على الانجاب لكن تأخير الحمل سببه حاجه واحده بس "لم يأذن الله بعد " .. مرت أول سنة من عمر زواجي رميت الحزن ورا ضهري وسلمت لله أمري .. طنشت...

  #طنش_تعش_تنتعش ! هاشتاج باقي القصص #قصص_واقعيه_لهدير_ابراهيم انا سمر هتم ٤٠ سنه بإذن الله في سبتمبر الجاي 2022 فرحي كان يوم الجمعة 25 فبراير لسنة 2022.. ايوووه بالظبط كدا انا فعلا اتجوزت قبل ما اتم الاربعين بشهور.. طيب هل بقى اتجوزت مطلق ولا ارمل ولا بقيت زوجه تانيه ولا ولا.. هحكيلكوا بس فرفشوا كدا علشان اللي جاي كله جبر وفرح الحمد لله وطبعا بنات جروب حكاوي هدير.. اول ما احكي هيفتكروني بما اني جريت نزلت قصتي في الجروب تالت يوم فرحي الفرحه بتخلينا ملهوفين نجري نفرح ونطمن غيرنا نبدأ القصة بقى.. انا طبيبة على فكرة يعني بنزل وبشتغل وبتعامل مع الناس وبيمر عليا يوميا ناس كتير .. ورغم كدا طول ال ٣٩ سنه مدخلش بيتي حد.. كان كله من بره بره.. مريت بكل الظروف النفسية السيئة والاكتئاب والتفكير في الانتحار كل دا واكتر مريت بيه لحد م استسلمت وقولت خلاص انا مستحيل هتجوز وتعايشت مع كدا وكنت حاسه اني جسد بيتحرك بس من غير روح.. سمعت كلام زي الزفت.. واتقدملي اللي متجوز واحده واتنين وتلاته واللي كبير في السن واللي معاه دبلوم وغيرهم وغيرهم وكله كان يقولي وافقي انتي لاقيه حد اصلا واهو بدل م تموتي و...

 #كتف_اتسند_عليه !! هاشتاج باقي القصص👇 #قصص_واقعيه_لهدير_ابراهيم 💌 🎀🎀🎀🎀 أنا شيماء طبيبة وصلت لعمر 38 سنه بدون زواج.. كنت زي معظم البنات حاليا ما بيرددوا إن الجواز مش كل حاجة وفضلت مهتمة بدراستي واني ازود درجتي العلمية وبس، لكن لو هتكلم بصراحه ف أنا مفيش مره حطيت فيها راسي ع المخدة قبل النوم إلا واتمنيت من كل قلبي إن يكون ليا بيت وزوج وأطفال خاصة وان كل اللي حواليا بدأوا يتجوزوا ومنهم اخواتي الأكبر والأصغر وقرايبي اللي بيني وبينهم عُمر ومفيش حد حياته وقفت عليا ولا فرقت معاهم ودا حقهم طبعا.. بس اللي قهرني ووجع قلبي بجد اني قعدت حوالي 15 سنه مفيش حد دخل بيتي لدرجة إن الكل قال إن معمولي سحر وأعمال وخلافهم.. والدتي متوفيه ووالدي كبير في السن ف مفيش حد اهتم والكل تقريبا استسلم للأمر الواقع وهو اني مش هتجوز وكانوا بيقولولي ي هيجيلك مطلق وعنده عيال ي مش بيخلف ي تكوني زوجه تانيه...الخ واعتقد بنات كتير غيري بيسمعوا وسمعوا الاختيارات دي.. وبصراحه في مره من يأسي دعيت يارب ابعتلي أي واحد وخلاص بس رجعت تاني استغفرت ودعيت بإنه يبعتلي اللي يعوض سنين صبري ويجبر كل كسر في قلبي.. بس جيت في وقت ...

#واتحققت_مستحيلاتي ! هاشتاج باقي القصص 👇 #قصص_واقعيه_لهدير_ابراهيم 💌 🎀🎀🎀🎀 اعتقد ان قصتي مهمه وهتكون ملهمة لبنات كتير، لأني قدرت احول كلام الناس اللي زي السم لدافع وصّلني لحاجات عمري ما كنت اتخيل اني اوصلها ولا حتى ف احلامي !! هبدألكوا م الاول بقى.. انا كنت طفلة لون بشرتي غامق ومختلف عن باقي اخواتي.. رغم اني مش جايباه من بره ولا حاجه دا وراثه عن والدي وعيلته.. بس كان مسببلي حالة نفور من والدتي وعيلتها.. ومش عارفه ايه علاقة لون بشرتي بحب او كره الأم لبنتها.. بس بسببه والدتي تجنبتني تماما.. مكانتش بتهتم بيا ولا بتجيبلي حاجات حلوه ولا تذاكرلي زي ما بتعمل مع اخواتي.. وبسبب كدا مش بس بقيت فاشله ف الدراسه.. لا كمان بقيت بمد ايدي وبسرق اي حاجه حلوه تقع تحت ايدي وبعدها بقيت اسرق فلوس.. هي كانت مبالغ بسيطه جدا وكنت بجيب لنفسي بيها نفس الحاجه الحلوه اللي أمي جابتها لاخواتي.. وبعد م كبرت شويه اتولّد جوايا غضب من تصرفات أمي وبقيت اضيع حاجتها وابرر لنفسي ان دا حقي ردًا على تصرفاتها ومعاملتها ليا! بس ع فكره انا عمري ما مديت ايدي على حاجه بره بيتي.. بس طبعا أمي كانت عارفه ان انا اللي بضيع الحاجه...

 #فضل_الصدقه ! هحكيلكوا موقف حصل معايا بيبين فضل #الصدقة وحبيت اشارك الناس بيه علشان يتيقنوا من ان (مَا نَقَصَ مَالُ عَبدٍ مِن صَدَقَة ) و ان (وَمَا أَنفَقْتُم مِّن شَيْءٍ فَهُوَ يُخْلِفُه) ويستشعروا معية الله في السر والعلن وألطافه الخفية بعباده... اللي حصل ان والدي بيشتغل بره مصر  وباقي أسرتي موجودة في مصر.. ووالدي بيشتغل في التجارة.. فالطبيعي أنه لما بيجيب بضاعة لتجارته بيشتريها بكل ما يملك على اعتبار انه لما يبدأ يبيعها يجيب منها المصاريف.. يعني فلوسه كلها ف الشغل..  وجات ظروف كورونا ومكانش حد يخطر ع باله اللي هيحصل ..  وللأسف تاني يوم اشترى فيه البضاعة كل البلد وقفت تماما بسبب #فيروس كورونا  !! ومعروف في بلاد الغرب أنه القوانين والتعاملات صارمة في الحظر فكان كل شئ متوقف تماما في البلد اللي فيها والدي.. حتى الخروج لانه يشتري احتياجات البيت كان صعب جدا... ومن هنا كانت المشكلة؛ اخر ما يملكه والدي هو مبلغ بسيط جدا اللي بالكتير يعيشه #اسبوع واحد!! وهو مريض سكر وضغط ومحتاج لعلاج وشرايط قياس السكر.. وفي وسط الظروف دي مكانش عارف يشتريهم  بسبب ان الفلوس اللي مع...

 #بعد_محنة_تيجي_منحه 💙 هاشتاج باقي القصص 👇 #قصص_واقعيه_لهدير_ابراهيم 💌 🎀🎀🎀🎀 تعالوا يلا احكيلكوا قصتي وكرم ربنا وجبره لقلبي.. بدأ الموضوع وانا في إبتدائي.. كنت طفلة شبه العيال المقلبظه المتشرده.. اللي ع طول قاعدة في جنب كده والدبان ملموم عليها😂 كنت فاشلة وفشِلة في نفس الوقت.. ومبتحركش ومبحبش الا التلفزيون.. فاشله ف الدراسة وبجيب درجات ما يعلم بيها الا ربنا ويادوب كده بنجح بالعافية وكانت سُمعتي اللهم صل على النبي مسمعة القريب والبعيد بفشلي لدرجة اني بقيت مشهورة في المدرسة بلقب البت #السرحانة 🙂 لحد ما دخلت اعدادي ..صاحبت واحدة من البنات اللي واخدة بالها من نفسها اوى اوى يعني😎واوبا بقى واخر حلاوة ووسسسسع يا جدع💅 وكنت منبهرة بيها اوى وبحب اقلدها على طول.. لحد ما حالي اتعدل شوية وبقيت اخد بالي من لبسي وشكلي زيها.. ولما ده اتحسن ثقتي بنفسي زادت شوية..  ولتجل قضاء ربنا البنت دي مكملتش صاحبتى  لاني دخلت علمي وهي دخلت ادبي من سنة أولى ثانوي(لاننا أزهر ودا نظامه) المهم اني في ثانوي كنت خلاص عرفت ازاي اتعامل مع بني ادمين وبقى ليا أصحاب كتير ومهتمة بنفسي.. وبدأت اخس واعمل ر...

 #واتحققت_المعجزة !! هاشتاج باقي القصص 👇 #قصص_واقعيه_لهدير_ابراهيم 💌 🎀🎀🎀🎀 بداية جبر ربنا لقلبي كانت في شهر فبراير 2022..   بس هحكيلكوا من البداية انا نهال قربت اتم ل 34 سنه.. وفي عمري دا كله مقعدتش مع عريس الا مره واحده بس !!  كان وقتها عندي 22 سنه تقريبا..  ومتكررتش تاني خالص ان حد دخل بيتي.. اكيد انتوا متخيلين دلوقتي السنين دي كلها عدت عليا ازاي ؟!! 💔 سنين بتمر من عمري وانا الشيطان مصورلي اني واقفه مكاني وبيحبطني واليأس كان كل شويه يتمكن من قلبي.. خاصة وانا شايفة قدام عيني الحاجات اللي والدتي بتجيبها لجهازي..  كنت ابكي واقولها انتِ كل شويه تشتري حاجات ليه ! دا مفيش حد عبرني ولا بص ف وشي حتى من سنين 💔 كانت تقولي: وحدي الله ي بنتي.. دا نصيب.. ومفيش حد عارف امتى النصيب هيجي.. بشتريلك الحاجة وانا في قلبي حسن ظن في اللي خلقنا انه مش ناسينا وفي يوم هيبعت لقلبنا فرحة جوازك..  ومفيش حد ضامن عمره فخليني افرح بإحساس تجهيزك !! سنين وسنين بتمر وانا حالي مع ربنا اني بقع واقوم وادعي وايأس وارجع ادعي.. وفجأه ومن غير حول مني ولا قوه ربنا بعتلي شخص من اول مره شوفت...

 #قدر_ولطف !! كلنا بلا استثناء بيحاوطنا #لطف_الله في كل لحظة من حياتنا بس اللي اكتشفته ان مش أي حد بياخد باله م دا.. يمكن علشان كدا بنفضل نلعن في حياتنا وكتير اوقات بتمر علينا بنتمنى فيها #الموت... انا حياتي مثلا كان فيها لحظات لطف ربنا اكتر بس عيني مكانتش بتشوف غير لحظات التعاسة والموت بس لحد م ربنا بلطفه بردو بعتلي اللي يشيل الغمامة دي م على عيني وم وقتها وانا حياتي اتبدلت تماما...! محبتش ابدأ قِصتي بداية مأساوية لأني أتمنى بجد تكون قِصة خفيفة عليكوا وتطمن قلوبكوا.. ونبدأ بقى في احداث القِصة... كتير أهل بيرددو لولادهم في وقت غضب أو هزار انهم  مش ولادهم وجابوهم م على باب مسجد؛ الحقيقة إن الكلام دا كان بيتقالي بردو بس لأنه #حقيقي !! انا عيشت طفولة حلوه ومبهجة جداً لحد م وصلت 8 سنين ومن وقتها تقريبا مشوفتش ولا يوم سعيد في حياتي .. اهلي بعد م كانوا بيقولوا عليا دايما اني هدية ربنا ليهم بقوا بيكرهوني جدا م الوقت دا وبيتمنوا موتي او اني اختفي م حياتهم وخلاص، كل دا حصل بعد اكتشاف أمي او يعني الست اللي عيشت في بيتها انها #حامل... اللي عرفته انه بعد زواجهم اتأخروا في الحمل وفي يوم وا...

 #الدعاء_وسحره ! الدعاء وسحره كالعادة..  قصتنا النهارده عبارة عن دعاء ازاي ربنا استجابه بس بطريقة مدهشة💜 🎀🎀🎀🎀🎀🎀🎀🎀🎀 اعرفكم بنفسي انا واحده قعدت من سن اربع سنين لحد ١٧ سنه مش بحلم بحاجه غير اني هبقى دكتورة ..بس الحمد لله محصلش نصيب وجبت ٩١% اول سنه..اول كلمه اخويا المهندس قالها متأكلش عيش حاف 😂 طبعا كتير قالى احول ادبي لانى خلاص مش هطول حاجة..وانا رافضه وفضلت مصرة على رأيي واني هكمل في علمي علوم تقوليش يابنتى بعاند الواقع 😳.لحد ما ربنا رزقني واخويا اللي كان مسافر رجع واقنعنى احول علمى رياضه ..والله ياهدير انا كنت مستنيه حد يقولى بس عشان كرامتى كانت ناقحه عليا انى احول🤣..مش اتلم واذاكر بقى ..محصلش والله كنت اروح المدرسة اللي على حظى كله يغيب في تالته ثانوى وانا اللي يطلعلي قرار جديد بمنع الغياب واروح الدرس وارجع انام واقول هصحى اذاكر.. وطبعا مكانش بيحصل وكنت بصحى تانى يوم.. ولو حصل وصحيت كنت اصلي الفجر واقول هريح ساعه واقوم وكنت بكمل نوم كالعاده المهم ياستى كل الناس بتذاكر وانا لسه بنام وبحلم انى في طب وأقوم مخنوقة وكأنى بعترض ع قضاء ربنا لحد ماقامت ثورة يناير ٢٠١١🤣...

 #زوج_هين_لين !! قصة النهارده لكل شخص يأس م استجابة دعوته ومستغرب ليه ربنا مش بيستجيب دعواته.. ف ركزوا كويس لعل فيها رساله من ربنا ليكوا.. ويلا بينا نشوف احداثها.. هاشتاج باقي القصص 👇 #قصص_واقعيه_لهدير_ابراهيم ♡ 🎀🎀🎀🎀🎀🎀🎀🎀🎀🎀🎀 هدخل في الموضوع ع طول ،، انا واحده اتربت ع اللي معظم الاسر المصريه بتربي ولادها عليه ،، تربيتي مكانتش تربيه دينيه للأسف ، يعني مفيش أب ولا أم يشجعوا ع الصلاه ولا حتى الصلاه اللي هما ابسط حاجه في الدين ، معظم اهالينا بيسيبوا غيرهم اللي يعلمونا زي مثلاً #المدرسه وهي للأسف في الزمن دا ألعن وأضل سبيل !! للأسف لما بنكبر بنكتشف ان معظم اللي اتعلمناه كان غلط ومنها الصلاه اللي هي من اساس الإسلام ،، المهم علشان مش اطول عليكي دي كانت تربيتي في بيت أهلي من وانا طفله واللي اعتمدت عليها معظم حياتي ،، للأسف لا اهلي ولا مدرستي علموني #القربمنالله او فن #الدعاء او حتى #التأدب مع الله ، بالتالي اي حاجه مترتبه ع كل دا كانت غلط ، مفيش حد علمني حاجه اسمها #حسن_الظن او اليقين في الله ، أو إن المفروض اني اظن دايماً واتوقع الخير واتجنب التفكير والظن السئ ، وللأسف انا كانت ...

 #تمام_العدل هاشتاج باقي القِصص👇 #قصص_واقعيه_لهدير_ابراهيم 💌 اوقات كتير بنثق في ناس غلط وبنسلم قلوبنا ليهم بالتالي بيكسروا قلوبنا.. بس قادر ربنا يبعتلنا الشخص الصح في التوقيت المناسب ويداوي بيه كل ألم مرينا بيه.. يلا نشوف احداث قصتنا..  🎀🎀🎀🎀🎀🎀🎀🎀🎀🎀 عرفت صفحتك قدرا شدتني قصة ليكي وواحده جابت التانية وهكذا ومع كل قصة كنت بقرأها كنت بسأل نفسي هو أنا ممكن تجيلي الشجاعة وابعتلك قصتي أنا كمان ولا لا.. وهل أصلا قصتي ممكن يكون فيها رسالة م ربنا لقلب حد زي باقي قصصك ولا لا وبعد م طبقت يومين ورا بعض بقرأ قصصك قررت ابعتهالك وانا بدعي ربنا ان يكون فيها حتى عظة لحد.... أنا البنت الوحيدة لأهلي اللي عرفته ان كل اخواتي الاكبر مني كانوا ي بيتوفوا بعد ولادتهم ع طول ي بيحصلهم اجهاض علشان كدا لما انا اتولدت كانت والدتي بتخاف عليا م نسمة الهوا ف عشت طفولة صعبة جدا مكنتش بروح حضانه كانت هي اللي بتعلمني ف البيت بنفسها ولأنها بتشتغل مكانتش بتوافق تسيبني مع حد نهائي وكانت بتاخدني شغلها.. ممنوع العب ف الشارع ممنوع اختلط  بحد وحتى لما دخلت المدرسة معرفتش اكون اي صداقات وكنت بخاف وبتجنب ك...