واتحققت مستحيلاتي

#واتحققت_مستحيلاتي !

هاشتاج باقي القصص 👇

#قصص_واقعيه_لهدير_ابراهيم 💌

🎀🎀🎀🎀

اعتقد ان قصتي مهمه وهتكون ملهمة لبنات كتير، لأني قدرت احول كلام الناس اللي زي السم لدافع وصّلني لحاجات عمري ما كنت اتخيل اني اوصلها ولا حتى ف احلامي !!

هبدألكوا م الاول بقى..

انا كنت طفلة لون بشرتي غامق ومختلف عن باقي اخواتي.. رغم اني مش جايباه من بره ولا حاجه دا وراثه عن والدي وعيلته.. بس كان مسببلي حالة نفور من والدتي وعيلتها.. ومش عارفه ايه علاقة لون بشرتي بحب او كره الأم لبنتها.. بس بسببه والدتي تجنبتني تماما.. مكانتش بتهتم بيا ولا بتجيبلي حاجات حلوه ولا تذاكرلي زي ما بتعمل مع اخواتي.. وبسبب كدا مش بس بقيت فاشله ف الدراسه.. لا كمان بقيت بمد ايدي وبسرق اي حاجه حلوه تقع تحت ايدي وبعدها بقيت اسرق فلوس.. هي كانت مبالغ بسيطه جدا وكنت بجيب لنفسي بيها نفس الحاجه الحلوه اللي أمي جابتها لاخواتي.. وبعد م كبرت شويه اتولّد جوايا غضب من تصرفات أمي وبقيت اضيع حاجتها وابرر لنفسي ان دا حقي ردًا على تصرفاتها ومعاملتها ليا!

بس ع فكره انا عمري ما مديت ايدي على حاجه بره بيتي.. بس طبعا أمي كانت عارفه ان انا اللي بضيع الحاجه وكانت تحرقني وتلسعني في جسمي.. وكنت اصرخ واقولها اني هفضل اعمل كدا طول ما هي مش بتجيبلي زي اخواتي.. ف كانت تعاقبني اكتر.. 

كنت بقف قدام المرايه اشوف جسمي وهو كله مليان علامات حرق ويتولّد جوايا غضب اكبر..

وفي مره كنا في تجمع عند عيلة أمي وحاجة ضاعت من خالتي راحت امي جيباني من شعري قدام كل اللي قاعدين وقالتلي طلعي اللي خدتيه يا حراميه !

طبعا الكل اتفاجئ وع الرغم ان خالتي لقت حاجتها واني ممدتش ايدي ع حاجه. الا ان امي فضلت تقولهم دي مش بس فاشله وسودا وكالحه دي كمان حراميه !

وطلعت عليا سُمعة بين الناس اني حرامية وبقى الكل يلسن عليا بكلام بشع جدا كان كفيل انه يخليني اكتر من مره افكر انتحر واخلص من حياتي البشعه دي..

لحد ما في مره كنا قبل امتحانات ثانوية عامة بشهرين وكان عندنا في البيت قرايب أمي وشافوني قاعده بذاكر ف قعدوا يضحكوا ويقولوا بتذاكري ليه ؟ وفري ع نفسك وانزلي اي محطة اتوبيس واتعرفي ع #نشال واشتغلوا سوا واتجوزيه وخلفوا نشالين صغيرين !

وكانوا يضحكوا وامي تضحك معاهم !!

بس انا في اللحظة دي قررت قرار غير كل حياتي وهو اني هعمل المستحيل حتى لو هاكل الكُتب أكل.. وهدخل كلية مفيش حد من بناتهم دخلها وهتجوز احسن جوازه ف العيله وقد كان بفضل ومنه من الله وهحكيلكوا دا حصل ازاي .. وكمية المفاجآت اللي ربنا بعتهالي وجبر بيها قلبي الحمد لله !

اول مفاجأه انه استجاب لدعوتي وتعبي..

تخيلي من واحده طول عمرها بيتقالها يا فاشله يا ساقطة ومن اقرب الناس ليها.. لواحده رتبت من الاوائل على مدرستها وكل دا بجهد شهرين.. كنت بموت نفسي في المذاكره ومبنامش وكل م انام اضرب نفسي بالقلم واقول لنفسي فوقي وعرفيهم انك احسن منهم كلهم وانك ولا فاشله ولا ساقطه ولا حرامية..

كنت بقف بين ايدين ربنا واقوله سامحني لو كنت في يوم مديت ايدي ع حاجه مش بتاعتي بس انت عالم باللي جوايا فا اغفرلي وساعدني ووفقني..

وقد كان ودخلت كلية الألسن بفضل ومنه من الله..

ويا فرحة قلبي وهو بيرقص كل ما بشوف كمية الاندهاش والتعجب ع وش اهلي كلهم.. وطبعا حاولوا يقللوا مني وقالوا اني كنت بغش ودا مش مجهودي واني حرامية وكمان غشاشه.. تفتكروا ايأس واقعد اعيط !

اااابدا حطيت هدف قدامي وسعيت ليه وربنا كالعاده وفقني الحمد لله واتخرجت من الجامعة بتقدير عام جيد جدًا ومن كتر تفوقي وقُربي من الدكاتره.. واحد منهم رشحني لشركة انترناشيونال اتدربت فيها وبعدها ثبتوني.. وبعد سنة بالظبط نقلوني فرع تاني ومنه اتعرفت على زوجي.. هو سوري مقيم هو واهله في مصر.. وشغال معايا في نفس شركتي..

وتبارك الله ع جمال شكله واخلاقه..

ف ربنا اهو كرمني وفتحها عليا ورزقني من وسع

قالوا فاشلة طلعت من الاوائل وحققت اللي مفيش حد م عيلتي حققه ف الدراسة !

قالوا سودا وكالحه وحراميه وهتتجوزي بلطجي ونشال واهو اتجوزت واحد تبارك الله ع جماله وجمال اخلاقه !

ومجرد م عرفوا اني حامل في توأم وبدأوا يقولوا اكيد واحد هيطلع اسود زيك وواحد هيطلع لجوزك

ف هنا قولت لا بجد هنا واستوب مش هسمح لحد يعقد ولادي ويشوفوا ولو جزء بسيط م اللي شوفته.. وقررت انا وزوجي اننا ننقل فرع الشركه في كندا واهو الحمد لله عايشين في مناخ آمن ومستقر نسبيًا..

كمان بعد ما تعافيت نفسيا من اللي حصلي الحمد لله عملت تجميل لكل الحروق اللي كانت في جسمي وبكدا تعافيت نفسيا وجسديا..

 وقدرت ب ايدي واصراري ومن قبلهم توفيق ربنا اني احول كلام الناس البشع لاحلى واجمل رزق في حياتي ❤

ف نصيحتي ليكوا ارموا كلام الناس ورا ضهركوا.. واتأكدوا ان مهما عملتوا مش هتعجبوا حد ف دوروا ع راحتكوا انتوا وبس وان شاء الله تحققوا كل اح